23.3.2015

Neahkkila bálggus ii juhkkojuvvo

 Lappi guovlohálddahusdoaimmahat lea 19.3.2015 dahkan mearrádusain hilgon Neahkkila bálgosa evttohusa bálgosa juohkimis. Neahkkila bálggus lei 25.6.2014 mearridan bálgosa juohkimis guovtti oassái. Boazodoallolága 6 §:a mielde Lappi guovlohálddahusdoaimmahaga bargun lea nannet bálgosiid rájiide guoski nuppástusaid. Guovlohálddahusdoaimmahat geahčai áššis ožžojuvvon čielggadusaid vuođul, ahte juohku livččii lean eahpevuoiggalaš lulleoassái báhcci boazoeaiggádiidda. Fuođđo- ja guolledoalu dutkanlágádusas ožžojuvvon guohtuninventerenmateriálaid mielde juohkoevttohusas meroštallon lulleoasi guohtoneatnamat livčče lean sakka heajubut boazologu ektui go mii lea dilli davveoasis. Sámedikki earálágan ipmárdusas fuolakeahttá guovlohálddahusdoaimmahat geahčai, ahte sámi boazodoalu eavttuid sáhttá dorvvastit boazodoallolága mielde maid dálá bálgosis.

Guovlohálddahusdoaimmahaga mearrádusas bálgosa rájiid nannemii guoski áššis sáhttá váidit Davvi-Suoma hálddahusriektái. Mearrádus lea oppalohkái lohkamis guovlohálddahusdoaimmahaga ruoktosiidduin www.avi.fi/saame

Mearradus

Lassedieđuid ášši birra addá leanašibitdoavttir Risto M. Ruuska, telefon 0295 017 381 dahje šleađgapoasta risto.ruuska@avi.fi.

 



 

Päivitetty